Тимур Құлыбаев Геннадий Головкинді туған күнімен құттықтады
«Қымбатты Геннадий! Сені туған күніңмен құттықтаймын! Сен қазақстандықтар үшін сарқылмас күштің және өзіне деген сенімділіктің нышаны және ең бастысы бүкіләлемдік танымалдық пен табысқа қол жеткізген риясыз жымиып жүретін қарағандылық жігіт болып қала бересің. Сен ең танымал қазақстандық боксшы, отандық бокс мектебінің символы, қуат пен жеңімпаздықтың үлгісіне айналдың. Бүкіл әлемдегі жүздеген мың жанкүйерің сен сияқты болуға, өзіндегі мақсатқа ұмытлғыштық, сенімділік, еңбексүйгіштік сынды қасиеттерді дамытуға ұмтылады. Сенің әрбір жеңісің біздің бокстың жеңісі, спорттық Қазақстанның даңқы мен мақтанышы. Әр уақытта да және барлығынан бірінші бол!», - делінген Тимур Құлыбаевтың құттықтауында.
Сонымен қатар ол сөз соңында спортшыға зор денсаулық, ұзақ өмір, отбасында бақыт пен береке тілеген.