«Титаник» кемесінің соңғы тірі қалған жолаушысы Милвина Дин өмірден озды

АСТАНА. KAZINFORM – 97 жасында «Титаник» кемесінің соңғы тірі қалған жолаушысы Милвина Дин бақилық болды. Ол Ұлыбританиядағы Саутгемптон қаласындағы қарттар үйінде қайтыс болды. Саутгемптон — 1912 жылы атақты кеме өзінің алғашқы және жалғыз рейсіне шыққан қала. Бұл туралы The New York Times басылымына сілтеме жасап, oxu.az агенттігі жазды.

Катастрофа кезінде Дин небәрі тоғыз апталық сәби болған. Ол 705 құтқарылған жолаушының арасынан ең кішісі болып есептелді. Оның әкесі қайғылы түнде қаза тапқан, сол апатта 1,5 мыңнан астам адамның өмірі қиылды. Милвина бұл трагедияны тек анасының әңгімелерінен білген — эвакуация кезінде отбасын бөліп, кейін оларды құтқару кемесінде қайта біріктірген.

Ұзақ жылдар бойы Милвина қоғамның назарынан тыс өмір сүрді. Өз қалауы бойынша көзге түспеуге тырысатын. Алайда 1985 жылы «Титаник» кемесінің қалдықтары табылғаннан кейін,  еске алу шараларына қатыса бастаған. Оның тағдырына деген қызығушылық 1997 жылы шыққан «Титаник» фильмінен кейін күрт артты. Алайда өзі бұл фильмді көрмегенін айтып, оның оған тым ауыр екенін мойындаған.

Еске сала кетейік, бұған дейін «Титаникте» қаза тапқан жолаушының сағаты аукционда 2,3 млн долларға сатылғанын жазған едік.