ТМД-ның бірқатар жоғары оқу орнына базалық ұйым мәртебесі беріледі
Атап айтқанда, Беларусь Еңбек және әлеуметтік қорғау министрлігінің Еңбек ғылыми-зерттеу институтына еңбекті нормалау саласындағы әдістемелік және ұйымдастыру-техникалық жұмыстар саласындағы, Беларусь мемлекеттік экономикалық университетіне еңбекті нормалау бойынша кадрларды дайындау, қайта даярлау және біліктілігін арттыру бойынша, Ресей Қорғаныс министрлігінің Әскери университетіне әскери-гуманитарлық бейіндегі мамандарды дайындау бойынша базалық ұйым мәртебесі берілетін болды. Аталған шешімді қуаттайтын құжатқа ТМД-ға мүше мемлекеттер делегациялары басшылары қол қойды.
Айта кетейік, отырысқа ҚР Премьер-Министрі К.Мәсімов, Армения Премьер-Министрі О.Абраамян, Беларусь Премьер-Министрі А.Кобяков, Қырғызстан Премьер-Министрі Т.Сариев, Молдавия Премьер-Министрі К.Габурич, Ресей Үкіметінің төрағасы Д.Медведев қатысуда. Сонымен қатар бұл жиынға қатысушылар қатарында Әзербайжан үкімет басшысының бірінші орынбасары Я.Эюбов, Түркіменстан Министрлер кабинеті төрағасының орынбасары С.Сатлыков, Өзбекстан Премьер-Министрінің орынбасары А.Икрамов, ТМД атқарушы комитетінің төрағасы С.Лебедев те бар.