«Тобыл» Конференция лигасын үшінші іріктеу кезеңінде аяқтады
АСТАНА. KAZINFORM - Футболдан UEFA Конференция лигасы үшінші іріктеу кезеңінде қостанайлық «Тобыл» өз аалңында Сербияның «Партизан» клубына жол берді.
Бірінші кезеңде қазақстандық команда тізгінді өз қолында ұстауға тырысты. Қос қанаттын жиі шабуылдап, гол соғатын мүмкіндікті іздеді. Осындай сәттердің бірінде Ислам Чесноков 7-минутта өз мүмкіндігін мүлт жіберген жоқ.
Екінші кезеңде сербиялық клуб сапынан Стефан Митрович 47-минутта таразы басын теңестірсе, Чака Траоре 92-минутта қорытынды есепті белгіледі.
Осылайша «Тобыл» қарсыласына 1:2 есебімен есе жіберді.
Енді «Партизан» плей-офф кезеңінде Испанияның «Хетафе» командасымен шеберлік байқасады.
Қостанайлық клуб алғашқы ойында қарсыласына 0:3 есебімен есе жіберген еді. Олар екінші іріктеу кезеңінде Литваның «Паневежис» (1:1, 2:2, пенальтиден — 3:2) клубын қапы қалдырған еді.
Сондай-ақ Чемпиондар лигасында алматылық «Қайрат» бірінші және екінші іріктеу кезеңдерінде Черногорияның «Сутьеска» (2:1, 2:0), «Омония» (1:0, 0:1, пенальтиден 6:5) клубтарын қапы қалдырса, үшінші іріктеу кезеңінде Болгарияның «Левскиге» (0:1, 0:1) жол берді.
