Толассыз жаңбыр салдарынан еліміздің екі облысында жол жабылды
АСТАНА. ҚазАқпарат - Қолайсыз ауа райына байланысты еліміздің екі облысында жол жабылды, деп хабарланған ҚР ІІМ Төтенше жағдайлар комитетінің сайтында.
Атап айтқанда, жаңбыр жауып, жердің саздақтануы салдарынан Қарағанды облысының "Қызылорда-Павлодар" тас жолының (216-424 шақырымдары) Қызылорда облысы - Жезқазған қаласы учаскесінде барлық автокөлік түрлерінің қозғалысы тоқтатылды.
Сондай-ақ Қызылорда облысында "Қызылорда-Павлодар" тас жолының (12-216 шақырымдары) учаскесінде барлық көлік түрлері үшін қозғалыс шектелді.
