Томскіде «Газпромнефть-Восток» ғимараты өртеніп жатыр

АСТАНА. ҚазАқпарат - Томскіде «Газпромнефть-Восток» ААҚ ғимараты өртеніп жатыр, 430 шаршы метр аумақты шарпыған жалынның беті қайтар емес.

Бұл туралы Томск облысы ТЖМ баспасөз қызметі мәлім етті.

«Өрт аумағы 430 шаршы метр. Ғимарат бір жағынан 3-інші қабаттан 6-шы қабатқа дейін, екінші жағынан 4-іншіден  8-қабатқа дейін лапылдап жанып жатыр, - деген баспасөз қызметінің хабарламасын келтіреді РИА Новости.

Агенттіктің ақпаратына қарағанда, ғимараттан 20-дан астам адам шығарылған. Өрттің себебі анықталуда.

Фото: Максим Ничипоренко