Топардағы сібір жарасы: Төртінші пациенттен ауру табылған жоқ

Сібір жарасының ошағы анықталған Топар кентінен жеткізілген төртінші пациенттің талдауы теріс нәтиже көрсетті, деп хабарлайды Кazinform тілшісі.

Қарағанды облысының денсаулық сақтау басқармасы төртінші пациенттің талдау нәтижесін хабарлады.

Дәрігерлердің айтуынша, Топар ауылынан ауруханаға түскен төртінші адамда түйнеме жоқ.

Дегенмен науқас профилактикалық ем алу үшін инфекциялық бөлімде тағы 5 күн болады.

Еске салсақ, Қарағанды облысының Топар кентінде карантин жарияланды. Елді мекеннен сібір жарасы табылды. 

Кейін кентте тағы үш адамның осы дертті жұқтырғаны белгілі болды. 

Дәрігерлер бір пациент ауыр халде деп хабарлады.