«Торпедо» командасының 19 жастағы ойыншысы Иван Пыленок қайтыс болды

АСТАНА. KAZINFORM – Өскеменнің «Торпедо» командасының жастар құрамасында ойнайтын қақпашы Иван Пыленок қайтыс болды. Бұл туралы Спорт Шредингера телеграм арнасы хабарлады. 

Қақпашы мұз айдынында өзін жайсыз сезінген. Дәрігерлер мен LDS қызметкерлері оған алғашқы медициналық көмек көрсетіп, тез арада жедел жәрдем шақырған. Жедел госпитализациядан кейін Пыленок ауруханада көз жұмды. 

– «Торпедо» хоккей клубы Иванның отбасы мен жақындарына қайғыра көңіл айтады. Бұл бәріміз үшін орны толмас қаза. Біз оны талантты, өршіл, жарқын спортшы ретінде мәңгі есімізде сақтаймыз», - делінген клуб мәлімдемесінде. 

19 жастағы Пыленок «Жастар» жастар лигасының соңғы маусымында 16 кездесу өткізген. 2022/23 жылғы маусымда қақпашы «Торпедоның» негізгі командасымен бірге Қазақстан чемпионатында екі ойын өткізді.