Төрт елдің ғалымдары бірлесіп, «Гендерлік лингвистика» монографиясын шығарды

ПАВЛОДАР. 11 наурыз. ҚазАқпарат - Павлодар мемлекеттік педагогикалық институты ғалымдарының ұжымы Ресей, Беларусь, Украинаның жетекші тілтанушы ғалымдарымен бірлесіп «Гендерлік лингвистика» монографиясын шығарды,

деп хабарлады ПМПИ-ның баспасөз қызметінен.

Басылымда тілдік номинация, стереотиптердің қыр-сырларын анықтауға арналған зерттеулердің қорытындылары ұсынылған, коммуникативтік тәртіп бейнеленіп, әлемнің гендерлік тілдік картиналарына сипаттама берілді.

Ұжымдық жұмыстың таныстырылымы Ресей халықтар достығы университетінде ұйымдастырылып, шетелдік ғалымдардың жоғары бағасын алды.

ПМПИ-да дайындалған «Гендерлік лингвистика» отандық және шетелдік тіл білімінде жаңа және өте қажетті бағыт - заманауи лингвистикалық теорияларға арналған кітаптар топтамасының бастауы болып отыр.