Төтенше жағдайлар комитеті Қазақстан жолдарындағы жағдай жөнінде хабарлады

АСТАНА. ҚазАқпарат - Сағат 17.00-дегі жағдай бойынша ШҚО-да облыстық маңыздағы жолдардың 2 учаскесінде, «Күршім-Қалжыр» (65-131 км) және «Өскемен-Таулы Үлбі-Солтүстік» (43-60 км) учаскелерінде жол жабылды.

ШҚО Көкпекті ауданында және Қарағанды облысының Абай, Бұқар-Жырау, Шет, Осакаровка аудандарында жергілікті ауқымдағы төтенше жағдай сақталуда, деп хабарлады ҚР ІІМ Төтенше жағдайлар комитеті.

Қазір ШҚО мен Қарағанды облыстарында жолдарды тазалау жұмыстары жүргізіліп жатыр. Оған 217 қар тазарту техникасы тартылды.