Төтенше жағдайлар министрі су тасқынына дайындықты жедел аяқтауды тапсырды
АСТАНА. KAZINFORM – Төтенше жағдайлар министрі генерал-майор Шыңғыс Әрінов Батыс Қазақстан облысындағы жұмыс сапарын аяқтап, өңірдің көктемгі су тасқынына дайындығын тексерді.
Инспекцияның екінші күні аясында ведомство басшысы Бөрлі ауданына барып, су тасқыны қаупі бар учаскелерді, салынған бөгендердің ұзындығы мен беріктігін, сондай-ақ тез салынатын бастиондарды қарап шықты.
Су тасқыны кезеңінің салдарын болдырмау үшін монтаждау-құрылыс іс-шараларын қоса алғанда, бірқатар күрделі және ауқымды жұмыстар жүргізілді. Су тасқынына қарсы барлық шара уақтылы және толық көлемде жүзеге асырылуы маңызды, — деп Шыңғыс Әрінов атап өтті.
Министр жергілікті қызметтерге қауіпті аймақтарға ерекше назар аудара отырып, су тасқынына дайындықты жедел аяқтауды тапсырды.
Айта кетелік Қанат Бозымбаев Қарағанды облысының су тасқыны кезеңіне дайындығын тексерген еді.
