Тото Кутуньо 80 жасында өмірден өтті

РИМ. ANSA - ҚазАқпарат - 1983 жылы хит болған «L'Italiano» әні арқылы әлемге танылған италиялық әнші әрі композитор Тото Кутуньо 80 жасында дүние салды, деп хабарлайды ҚазАқпарат ANSA агенттігіне сілтеме жасап.
None
Фото: ANSA

Бұл хабарды агенттікке әншінің менеджері Данило Манкузо жеткізген.

«Соңғы бірнеше ай бойы Миландағы Сан Рафаэле ауруханасында жатқан Тото Кутуньо ұзаққа созылған науқастан қайтыс болды», - деді Манкузо.

Италияның Тоскана аймағында сицилиялық отбасында дүниеге келген Тото Кутуньоның шын аты Сальваторе болатын.

Ол 1990 жылы Eurovision ән байқауында «Insieme: 1992» әнімен жеңіске жеткен.

Сондай-ақ Кутуньо Sanremo Song Festival фестивалінде екі рет бас жүлде алды.


Соңғы жаңалықтар