Трамп 150-ден астам елге 10–15% баж салығын салмақ

АСТАНА. KAZINFORM – АҚШ президенті Дональд Трамп 150-ден астам елге 10-нан 15 пайызға дейінгі баж салығын салатыны туралы хат жолдағалы отырғанын мәлімдеді, деп хабарлайды Kazinform меншікті тілшісі MSN-ге сілтеме жасап.

Алайда ставкаға қатысты нақты шешім әлі қабылданбады.

- Біз 150-ден астам елге төлем туралы хабар бермекпіз. Ол хабарда тариф мөлшері көрсетіледі, - деді Дональд Трамп.

Осыған дейін Трамп Бразиялияға 50%, Вьетнамға 19%, Канадаға 25%, ал Еуропалық Одаққа 30 пайыздық тариф, сондай-ақ фармацевтикалық өнімдер мен көлік импортына баж салығын енгізетіні туралы хабарлаған болатын. Соңғы мәлімдеме осы хабар аясында жасалды.

Сондай-ақ осы ақпаратта Трамптың 2 сәуірде енгізіп, кейінге қалдырылған ауқымды тарифтері күшіне енетін мерзім - 1 тамыздың жақындап қалғаны айтылған.

Осыған байланысты көптеген елдер АҚШ-пен сауда келісімен жасап қалуға асығып жатыр.

Осыған дейін ЕО мен АҚШ сауда келісімі бойынша жұмысын жеделдететіні хабарланды.

Ал Вьетнам АҚШ-пен сауда келісіміне қол қойды.