Трамп әкімшілігі USAID келісімшарттарының 90%-ын 60 миллиард долларға қысқартады

АСТАНА.KAZINFORM — Трамп әкімшілігі АҚШ-тың халықаралық даму агенттігінің (USAID) әлем бойынша 60 миллиард доллар көлеміндегі сыртқы көмек келісімшарттарының 90%-дан астамын тоқтататынын мәлімдеді, деп жазады Newsnation.

Трамп әкімшілігі құжатта USAID пен Мемлекеттік департаменттің «Америка мүддесі үшін салық төлеушілер ақшасын ақылмен пайдалану үшін» шетелдік көмек көрсету тәсіліне қосымша өзгерістер енгізу жоспарланғанын айтты.

Президент Дональд Трамп пен оның одақтасы Илон Маск USAID жобалары либералды күн тәртібін алға жылжытады және ақшаны ысырап етеді деп санайды.

Қаржыландырудың тоқтатылуы АҚШ-тың шетелдегі мыңдаған бағдарламаларын тоқтатты, ал әкімшілік пен мемлекеттік басқару тиімділігі департаменті USAID қызметкерлерінің көпшілігін мәжбүрлі түрде жұмыстан босатты.

Африкада 20 миллионнан астам адамның өмірін сақтап қалумен қатар, ЖИТС, Эбола және басқа да қауіп-қатерлерден сақтауға бағытталған USAID бағдарламасы қаржыландыруын тоқтатты.

Жалпы, Трамп әкімшілігі USAID-тің көпжылдық 6200 келісімшартының 5800-ін жойып, оларды 54 миллиард долларға қысқартатынын айтты. Мемлекеттік департаменттің 9100 грантының тағы 4100-і жойылып, оларды 4,4 миллиард долларға азайтады.

Трамптың USAID қызметіне неге сонша шүйліккені бұған дейін хабарланған болатын.