Трамп Байден жариялаған рақымшылықтың күшін жойды

АСТАНА.KAZINFORM - АҚШ президенті Дональд Трамп бұрынғы президент Джо Байден жариялаған рақымшылық актілеріне автоматты қол қою құрылғысы қол қойғандықтан жарамсыз екенін айтты.

– Джо Байден жариялаған «рақымшылық» күші жойылды деп жарияланды, олар Autopen (автоматты қолтаңба құрылғысы) арқылы жасалғандықтан, бұдан әрі күшін жояды. Былайша айтқанда, оған Джо Байден өзі қол қоймаған. Одан да сорақысы, ол олар туралы ештеңе білмеген! – деп жазды Трамп Truth әлеуметтік желісінде.

Президенттің айтуынша, Байденге құжат туралы түсінік берілмеген және ол құжат мазмұнынан мүлде бейхабар болған.

– Ол құжат туралы ештеңе білмеді, ал білетін адамдар қылмыс жасауы мүмкін, - деді америкалық көшбасшы.

Ол бұл істің барлық мән-жайын анықтау үшін «жоғары деңгейде тергеу жүргізуге» уәде берді.

2024 жылдың желтоқсанында Байден 39 зорлық-зомбылық жасамаған тұтқынға рақымшылық жасап, тағы 1500-ге жуық түрмедегілердің жазасын жеңілдетті.

Президенттіктен кетер алдында ол отбасының кейбір мүшелеріне рақымшылық жасау туралы шешім қабылдады.

Қызметінің соңғы күндерінде Байден тағы бес тұтқынға рақымшылық жасады.