Трамп бұрын өзін толықтай қолдамаған штаттарда да жеңіске жетті

АСТАНА. KAZINFORM — Associated Press болжамы бойынша, АҚШ президентінің сайлауында республикашыл Дональд Трамп жеңіске жетті. Оған 312 сайлаушы дауыс берді.

Оның қарсыласы Демократиялық партияның өкілі Камала Харрис 226 дауысқа ие болды.

Агенттіктің хабарлауынша, Трампты сайлаушылардың 50,5%-ы, ал Харристі 48%-ы қолдаған.

Бұған дейін хабарланғандай, АҚШ-тың бұрынғы президенті Дональд Трамп сайлауда жеңіске жетіп, Ақ үйге оралды. Оған берілген дауыстар саны басты қарсыласы Камала Харристен басым түсті.

Еуропарламент фракциясының тең төрағалары Трампты жеңісімен құттықтады.

Мемлекет басшысы Қасым-Жомарт Тоқаев Америка Құрама Штаттары Президентінің сайлауында айқын жеңіске жеткен Дональд Трампқа құттықтау жеделхатын жолдады.

Сонымен қатар, АҚШ акциялары Трамп жеңісі жарияланғаннан кейін көтерілгені де белгілі болды.