Трамп Германиядағы сайлаудың алдын ала қорытындысын түсіндірді

АСТАНА. KAZINFORM – АҚШ президенті Дональд Трамп консерваторларды Германия Федеративтік Республикасындағы  жеңісімен құттықтап, сайлау қорытындысы немістердің парасаттылықсыз саясаттан шаршауымен түсіндіруге болатынын атап өтті, деп хабарлайды DW ақпарат агенттігі. 

Дональд Трамп Германия бундестагына сайлаудың алдын ала қорытындысына жауап берді, оған сәйкес Христиан-демократиялық одақ (ХДО) пен Христиан-әлеуметтік одақ (ХӘО) блогы 28,5% дауыс жинады. Ақ үй басшысы пікірін жексенбі, 23 ақпанда Truth әлеуметтік желісінде жариялады.

— Германиядағы консервативті партия өте маңызды әрі көптен күткен сайлауда жеңіске жеткен сияқты. АҚШ сияқты Германия халқы да көптеген жыл бойы әсіресе энергетика мен миграцияда басым болған қисынсыз күн тәртібінен шаршады, - деп қосты Трамп. 

Ол 23 ақпанды Германия және АҚШ үшін оның басшылығымен болған «ұлы күн» деп атады. 

— Баршаңызды құттықтаймын — алда әлі талай жеңістер бар, - деп түйіндеді Америка мемлекетінің басшысы.

Бұған дейін Олаф Шольц сайлауда жеңілгенін мойындағанын жазған болатынбыз.