Трамп Қытайдың тыңшылық әрекетіне қатысты мәселені Си Цзиньпинмен талқылауы мүмкін

АСТАНА. KAZINFORM — АҚШ президенті Дональд Трамп Nvidia компаниясының бұрынғы басшысы Дженсен Хуангқа қатысты Қытай арнайы қызметтерінің ықтимал әрекеті туралы мәселені ҚХР төрағасы Си Цзиньпинмен кездесуінде көтеруі мүмкін. Бұл туралы ол 16 қарашада Ақ үйден Азия елдеріне сапарға аттанар алдында журналистерге мәлімдеді, деп Анадолы агенттігі жазды.

Трамп Қытайдың тыңшылық әрекетіне қатысты мәселені Си Цзиньпинмен талқылауы мүмкін
Фото: Анадолы

Трамп Қытайдың тыңшылық әрекетіне қатысты айыптаулардың расталғанына күмән келтірді.

— Оның тыңшы екеніне сенімді емеспін. Мұны ешкім дәлелдеген жоқ, – деді АҚШ президенті.

Осылайша, ол америкалық барлау құрылымдарының Дженсен Хуанг пен Megaspeed компаниясының бұрынғы басшысы Элис Хуанг арасындағы байланысқа қатысты бағалауына күмән келтірді.

12 қарашада Дженсен Хуанг өзі 30 жылдан астам уақыт басқарған америкалық микрочип өндіруші Nvidia компаниясының басшысы қызметінен кеткен болатын. Оның отставкасына некеден тыс қарым-қатынасы туралы мойындауы себеп болды. Осы оқиғадан кейін Вашингтонда Қытай арнайы қызметтерінің ықтимал ықпалы мен экспорттық шектеулердің сақталуына қатысты мәселе кеңінен талқылана бастады.

Бұған дейін Трамп Nvidia басшысы қызметіне Apple компаниясының бұрынғы бас директоры Тим Кукты ұсынған еді. Соған қарамастан, АҚШ президенті Дженсен Хуангтың компания басшылығына қайта оралуына қарсы емес екенін білдірді.

– Мен бұған еш қарсылық білдірмес едім. Меніңше, ол маңызды сабақ алды, – деді Дональд Трамп.

Бұған дейін АҚШ Әділет министрлігі Nvidia компаниясына қатысты үш тергеу жүргізіп жатқанын жаздық.