Трамп мамыр айында Сауд Арабиясы, Қатар және БАӘ-ге баратынын мәлімдеді

АСТАНА. KAZINFORM  - АҚШ экономикасына құны 1 триллион доллар болатын инвестициялық келісімге қол қойылады, деп хабарлайды Kazinform агенттігінің меншікті тілшісі.

АҚШ президенті Дональд Трамп дүйсенбі күні мамыр айының ортасында Сауд Арабиясында инвестициялық келісімге қол қоюды жоспарлап отырғанын айтты.

Бұл оның екінші президенттік мерзіміндегі алғашқы шетелдік сапары болмақ. Қатар мен Біріккен Араб Әмірліктеріне бару да жоспарланған.

- Бұл келесі айда, мүмкін сәл кейінірек болуы мүмкін, - деді Трамп сопақ кеңседе журналистерге.

Сауд Арабиясы АҚШ, Ресей және Украина арасындағы атысты тоқтатуға қол жеткізу үшін келіссөздерде делдал ретінде әрекет етіп, АҚШ-тың сыртқы саясатында барған сайын маңызды рөл атқарып келеді.

Бұл сапар Эр-Риядтың АҚШ экономикасына, соның ішінде әскери техника сатып алуға 1 триллион доллардан астам инвестиция салуы туралы келісім жасауға бағытталған. Трамп дәл осындай келісімдерге Қатар мен БАӘ-де де қол қойылады деп болжады.

Рейтер агенттігіне сілтеме жасаған дереккөздің хабарлауынша, талқылануы мүмкін басқа тақырыптарға Украина мен Газа секторындағы қақтығыстар жатады.

– Мемлекет басшысының халықаралық сапарға шығу мүмкіндігі қарастырылып жатыр. Әзірге бізде нақты жоспар жоқ, бұл ақпаратты ресми түрде расталған кезде береміз, - деді Ақ үйдің баспасөз хатшысы.

2017 жылы өзінің бірінші мерзімінде Трамп Сауд Арабиясы мен Израильді инаугурациялық шетел сапарының алғашқы аялдамасына айналдырды.

Америка президенті келісімдерге қосылғысы келетін елдердің саны артып отырғанын айтты. Ақ үй жаңа келісімдердің ықтимал қатысушысы ретінде Сауд Арабиясын ерекше атап өтті, бірақ Сауд Арабиясы Газа секторындағы қақтығысқа байланысты осы уақытқа дейін сабырлылық танытты.

Бұған дейін Трамп үшінші мерзімге сайлауға түсу мүмкіндігін жоққа шығармайтынын білдірген болатын.