Трамп пен Зеленский не туралы сөйлесті

АСТАНА. KAZINFORM – Украина мен АҚШ президенттері сәрсенбі күні телефон арқылы сөйлесті, деп хабарлайды ВВС. 

Трамп та, Владимир Зеленский де әңгіме барысын жақсы деп атады. 

Украина мен Америка басшылары келіссөз туралы әлеуметтік желілерде баяндап берді. Трамп Truth Social-да Зеленскиймен бір сағат бойы «өте жақсы» әңгімелескенін мәлімдеді. 

- Талқылаудың көп бөлігі Ресей мен Украинаның сұраныстары мен қажеттіліктерін келісу үшін президент Путинмен кешегі әңгімеге негізделген. Біз дұрыс жолмен келе жатырмыз, - деп жазды АҚШ президенті. 

Зеленский X әлеуметтік желісінде Трамппен әңгіме «оң, өте мазмұнды және ашық» болғанын хабарлады.

- Президент Трамп Путинмен сұхбатын жан-жақты және талқыланған басты мәселелерді жеткізді. Соғыстың толық аяқталуы жолындағы алғашқы қадамдардың бірі энергетикалық және басқа да азаматтық инфрақұрылымға шабуылдарды тоқтату болуы мүмкін. Мен бұл қадамды қолдадым және біз оны жүзеге асыруға дайын екенімізді растадым, - деп мәлімдеді Зеленский.

Осыған дейін Ресей мен АҚШ президенттері телефон арқылы сөйлесті. Президенттер Украина аймағында қалыптасқан жағдай туралы пікір алмасты. 

Зеленский ішінара атысты тоқтатуды қалай көретінін баяндады.

Украина мен АҚШ президенттері телефон арқылы сөйлескеннен кейінгі мәлімдемелерде осы аптада Сауд Арабиясында өтетін келіссөздер айтылды. Кешке тілшілермен Zoom арқылы сөйлескен Владимир Зеленский бұл шара қалай  болуы мүмкін екенін түсіндірді.

Оның айтуынша, Киев соққы жасалмайтын нысандардың тізімін жасайды. Бұл тізімге тек энергетикалық инфрақұрылым нысандары ғана емес, сонымен қатар порттар мен теміржол желісі де кіруі мүмкін, деп келтірді оның сөзін Reuters.

- Бірақ біз [Ресеймен] келісімге келмейінше, тіпті атысты ішінара ітоқтату туралы тиісті құжат болмайынша, соғыс жалғаса береді деп ойлаймын, - деп жазды оның сөзін Reuters.

Бұған дейін Владимир Зеленский Ресейдің тұтқынында болған 175 украиналықты қайтарғанын мәлім етті.