Трамп Путинмен Украина мәселесін талқылауды жоспарлап отыр

АСТАНА. KAZINFORM — Дональд Трамп дүйсенбі, 19 мамыр күні Ресей президенті Владимир Путинмен телефон арқылы сөйлесіп, Украинадағы жағдайды бейбіт жолмен реттеу және сауда мәселелерін талқыламақ, деп хабарлайды ТАСС.

— Дүйсенбі күні сағат 10:00-де Ресей президенті Владимир Путинмен телефон арқылы сөйлесемін, — деп жазды Трамп Truth Social әлеуметтік желісінде.

Сондай-ақ ол ресейлік әріптесімен Украинадағы жағдайды бейбіт жолмен реттеу және сауда мәселелері жөнінде пікір алмасқысы келетінін айтты.

Бұған дейін Ыстанбұлдағы келіссөзде Ресей Украинаға бес шарт қойғанын жазғанбыз.