Трамп: Украина бойынша келіссөздердің бағыт-бағдары айқындала бастады

АСТАНА. KAZINFORM — АҚШ президенті Дональд Трамп Ресей президенті Владимир Путин және Украина президенті Владимир Зеленскиймен байланыстарының нәтижесінде Украина бойынша болашақ келісімнің алғашқы бағдары айқындала басталғанын мәлімдеді, деп хабарлайды ТАСС.

— Өздеріңіз білетіндей, мен президент Зеленскиймен және президент Путинмен өте жақсы келіссөздер жүргіздім (…), мен бұл джентльмендермен өте жақсы әңгімелестім. Бізде келісімнің алғашқы белгілері бар деп ойлаймын. Келісімнің алғашқы белгілері бар деп үміттенемін, — деді Трамп.

Дональд Трамп тағы да қайталап, егер ол 2022 жылы АҚШ президенті болғанда, Украинадағы қақтығыс мүлде орын алмас еді деп мәлімдеді, өйткені ол кезде АҚШ-тың «қабілетті президенті» болмағанын атап өтті.

Бұған дейін Трамп қақтығысты 24 сағат ішінде аяқтау туралы өз мәлімдемесіне қатысты пікір білдірген еді.