Трамп Вашингтонда төтенше жағдай енгіземін деп қорқытты

АСТАНА. KAZINFORM – АҚШ президенті Дональд Трамп қажет болған жағдайда ел астанасы Вашингтонда төтенше жағдай режимін енгізетінін айтты, деп хабарлайды Анадолы.

Бұл мәлімдемені АҚШ президенті Астана мэрі Мюриэль Боузердің АҚШ-тың иммиграция және кеден полициясымен ынтымақтастықта жұмыс істеуден бас тартқанынан кейін жасады.

Ақ үй басшысы Truth Social әлеуметтік желісінде өзінің жетекшілігімен федералды үкімет ел астанасын жайлаған қылмыстық тәртіпсіздікке араласып, соның салдарынан Колумбия округі бірнеше аптаның көлемінде АҚШ-тың, тіпті әлемнің ең қауіпті және кісі өлімі көп болатын аймақтарының бірінен ең қауіпсіз жерге айналып шыға келгенін жеткізді.

- Жылдар бойы осы зорлық-зомбылық пен қылмысқа төзіп отырған қала мэрі Мюриэл Боузер болса, федералды үкіметке Астана полициясының қауіпті, заңсыз шетелдіктерді елден шығару ісінде иммиграция және кеден қызметімен бірлесіп жұмыс істемейтінін айтады. Егер мен бұған жол беретін болсам, онда қылмыстық әлем күш алып, жаңа қарқынмен қайта келеді. Мен бұған жол бере алмаймын. Егер қажет болса мен төтенше жағдай режимін жариялаймын, - деді Трамп.

Осыған дейін Трамптың Израильге Қатар мәселесінде сақ болу керектігі туралы айтқанын жаздық.