Трамп Вэнсті АҚШ вице-президенті лауазымына тағайындалуымен құттықтады
АСТАНА. KAZINFORM - АҚШ сайлауында жеңіске жеткен Дональд Трамп 39 жастағы Джей Ди Вэнсті вице-президент қызметімен құттықтады.
Огайо штатының бұрынғы сенаторы, 39 жастағы Дж. Д. Вэнс АҚШ-тың вице-президенті болады.
АҚШ вице-президентіне үміткер ретіндегі алғашқы сөзінде Вэнс Трамппен бірге «Американы қайтадан ұлы ел етуге» уәде берді.
Ол сондай-ақ елдің шетелдік жұмыс күші мен энергияға тәуелділігін тоқтатуға, сондай-ақ әскери көмекті қайта қарауға уәде берді.
- Біз бірге одақтастарымыздың әлемдегі бейбітшілікті қамтамасыз ету ауыртпалығын бөлісетініне көз жеткіземіз. Америкалық салық төлеушілердің жомарттығын теріс пайдаланатын елдер үшін енді ештеңе тегін болмайды, - деп атап өтті Вэнс.
Естеріңізге сала кетейік, Огайо штатының сенаторы Дж.Д. Вэнс Республикалық партияның Ұлттық конвенциясында АҚШ вице-президентіне кандидатурасын ресми түрде мойындаған болатын.
Осыған дейін Дональд Трамптың АҚШ-тағы президент сайлауында жеңіске жеткенін жаздық.
