Трамп Зеленскиймен не туралы сөйлескенін айтты

АСТАНА. KAZINFORM — АҚШ президенті Дональд Трамп украиналық әріптесі Владимир Зеленскиймен телефон арқылы жүргізілген келіссөз «өте жақсы» өткенін атады, деп хабарлайды Euronews. 

Truth Social әлеуметтік желісіндегі парақшасында америкалық көшбасшы бір сағатқа жуық уақытқа созылған әңгіменің мақсаты «Украина мен Ресей арасындағы атысты тоқтату туралы келісімге келу туралы өтініштері мен қажеттіліктерін үйлестіруге» бағытталғанын айтты.

— Біз дұрыс жолда келе жатырмыз, — деді Трамп.

Ақ үй келіссөздер туралы толығырақ мәлімдемені «жақында» жариялайтынын айтты.

Еске сала кетейік, Путин мен Трамп телефон арқылы келіссөз жүргізді.

Президенттер Украина аймағында қалыптасқан жағдай туралы пікір алмасты.

Хабарламада Путин Дональд Трамптың 30 күндік энергетикалық инфрақұрылымға шабуыл жасамау жөніндегі бастамасына қолдау білдіріп, бірден әскерге тиісті бұйрық бергені айтылды.

Қасым-Жомарт Тоқаев АҚШ пен Ресей президенттері келіссөзінің қорытындысын құптайды.