Трамвайдағы «түнгі тариф»

АСТАНА. 7 қараша. ҚазАқпарат - Павлодарда 16 қарашадан бастап трамвайда жүру жолақысына «түнгі тариф» енгізілуде, деп хабарлады облыс әкімінің баспасөз қызметі «Павлодар қаласының трамвай басқармасы» АҚ хабарламасына сілтеме жасап.

Кәсіпорынның айтуынша, жаңа «түнгі тариф» кешкі сағат тоғыздан түнгі бірге дейін қолданылып, осы уақыт арасындағы жолақы 80 теңгені құрайды. Күндізгі жолақының тарифі өзгеріссіз 55 теңге болып қала береді. Сондай-ақ әлеуметтік қамтамасыз етілмеген азаматтарға арналған жеңілдетілген жолақы да еш өзгеріссіз қалмақ.