Т.Сүлейменов банктердің мемлекеттен алған көмекті қайтару мерзімі туралы: Бұл дұрыс емес

АСТАНА. KAZINFORM – екінші деңгейлі 5 банктің мемлекеттен алған көмекті қайтару мерзімі тым ұзартылып белгіленген. Ұлттық банк төрағасы Тимур Сүлейменов базалық мөлшерлемеге арналған баспасөз мәслихатында осындай пікір білдірді. 

— Негізінен бұл Ұлттық банктің ақшасы. Сондықтан біз жұмыс істеп жатырмыз. Бұл өте нәзік мәселе болғандықтан, нәтижелерін кейінірек баяндаймыз, — деді Ұлттық банк төрағасы. Шатаспасам, біздегі банктердің балансында 1,4 триллион теңге көлемінде мемлекет көмегі бар. Ол көмектер әр уақытта әртүрлі бағытта берілген. арқылы Ұлттық банкке еншілес Қазақстан тұрақтылық қорының бағдарламасы болған. «Бәйтерек» пен «Самұрық-Қазына» өте ұзақ мерзімге және үлкен жеңілдікпен шығарылған облигацияларды сатып алды. Оның бәрі банктер мен өзге ұйымдар арасындағы тиісті келісімдерде көрсетілген. Одан бері көп өзгеріс болды, — деп еске алдық ол.

Айтуынша, бұл шара банктердің дамуына жағымды әсер еткен.

— Банктер теңгерімін айтарлықтай нығайтты, олар қомақты пайда таба бастады. Қисынға салсақ, мемлекеттің көмегі бірте-бірте қайтарылу керек. Келісімшарттарда қайтару мерзімдері тіпті 2040 жылдарға дейін деп те көрсетілген. 2030 жылдар да болуы мүмкін. Бұл дұрыс емес, өзгерту керек шығар. Біз де, Қаржы нарығын реттеу және дамыту агенттігі да шаралар ғана қабылдай аламыз. Бұл жерде ынталандыру шаралары деп атауға болады. Ол шаралар банктерді мемлекеттен алған көмекті қайтаруға ынталандырады, — деді Тимур Сүлейменов.

Ұлттық банк басшысының айтуынша, базалық мөлшерлеме әлі де көтерілуі мүмкін.