Тұман, көктайғақ, бұрқасын: 16 облыста және Астанада дауылды ескерту жарияланды

АСТАНА. KAZINFORM – Жексенбі, 2 наурызда Қазақстанның 16 облысында дауылды ескерту жарияланды, деп хабарлайды «Қазгидромет» РМК.

Астанада кей жерлерде тұман түседі.

Алматыда түнде және таңертең жолдарда тұман түсіп, көктайғақ болады.

Шымкентте күннің соңында жаңбыр жауады деп күтілуде. Түнде - тұман.

Абай облысының солтүстігінде, оңтүстігінде және орталығында тұман түседі.

Ақмола облысының батысында, оңтүстігінде, шығысында тұман түседі.

Атырау облысының солтүстігінде, оңтүстігінде және шығысында қар жауып, бұрқасын күтіледі. Түнде және таңертең облыстың шығысы мен оңтүстігінде тұман түседі.

Ақтөбе облысының батысында, солтүстігінде және шығысында қар жауып, бұрқасын күтіледі, түнде облыстың шығысында қалың қар жауады. Облыстың оңтүстігінде тұман түседі. Солтүстік-шығыстан жел соғады, облыстың батысында, солтүстік және шығысында оңтүстік-батыстан соғады, екпіні - 15-20 м/с.

Шығыс Қазақстан облысының солтүстігінде, шығысында және оңтүстігінде тұман түседі.

Жетісу облысының таулы аймақтарында түнде және таңертең тұман түседі.

Жамбыл облысының солтүстігінде, оңтүстігінде, таулы аймақтарында тұман түседі. Таңертең және күндіз солтүстік-шығыстан соғатын жел облыстың таулы аймақтарында екпіні 23 м/с дейін жетеді.

Батыс Қазақстан облысының батысында және солтүстігінде тұман түседі. Солтүстік, солтүстік-шығыстан жел соғады, күндіз облыстың оңтүстігі мен шығысында екпіні - 15-20 м/с.

Павлодар облысының батысында және оңтүстігінде түнде және таңертең тұман түседі.

Қарағанды ​​облысының батысында, солтүстігінде және оңтүстігінде тұман түседі.

Қостанай облысының оңтүстігі мен батысында қар жауып, бұрқасын күтіледі. Облыстың батысында, шығысында және солтүстігінде тұман түседі.

Түнде Қызылорда облысының солтүстігінде қалың қар жауып, бұрқасын күтіледі. Облыстың солтүстігінде, шығысында және орталығында тұман, орталықта көктайғақ болады.

Маңғыстау облысында қар жауып, көктайғақ болады. Түнде және таңертең облыстың оңтүстігі мен солтүстігінде тұман түседі. Күндіз батыста, солтүстікте және облыс орталығында бұрқасын күтіледі. Солтүстік, солтүстік-батыстан соғатын жел күндіз батыста, солтүстікте, облыс орталығында - 15-20 м/с. Түнде облыстың солтүстік-шығысында 20-22 градусқа дейін қатты аяз күтіледі.

Солтүстік Қазақстан облысының солтүстігі мен шығысында түнде бұрқасын күтіледі. Облыстың батысы мен оңтүстігінде тұман түседі.

Күндіз Түркістан облысының батысында, солтүстігінде, таулы аймақтарында жаңбыр жауады. Облыстың батысында, оңтүстігінде және таулы аймақтарында тұман түседі. Оңтүстік-шығыстан соғатын жел солтүстік-батысқа ауысады, күндіз оңтүстікте, облыстың таулы аймақтарында 15-20 м/с күшейеді.

Таңертең және күндіз Ұлытау облысының батысында, солтүстігінде және орталығында қар жауып, бұрқасын, көктайғақ күтіледі. Облыстың солтүстігінде тұман түседі. Шығыстан, оңтүстік-шығыстан соғатын жел түнде және таңертең екпіні - 15-18 м/с.