Түрік қарулы күштері Батман маңындағы екі террористі залалсыздандырды

АСТАНА. KAZINFORM – «Боздоған-45» операциясы аясында Түркияның Батман қаласының маңында екі террорист залалсыздандырылды. Бұл туралы Анадолы агенттігі жазды. 

Олардың бірі республиканың Ішкі істер министрлігінің іздеуінде жүргенін хабарлады ведомство басшысы Али Йерликая. 

Ол сондай-ақ «Беритан Амара» (Сұлтан Даг) және «Зейнеп Джуди» (Зейнеп Нибат) лақап атымен белгілі залалсыздандырылған террористер 9 шабуылға қатысқанын, оның барысында алты құқық қорғау органының қызметкері қаза тапқанын, тағы 19 адам жарақат алғанын атап өтті. 

ІІМ басшысы Құрбан айт мерекесі кезінде терроризмге қарсы операция барысында 11 содыр бейтараптандырылғанын, олардың екеуі іздестірілгендердің қызыл тізімінде, төртеуі қызғылт сары, тағы екеуі сұр тізімде болғанын хабарлады.