Түркі мемлекеттері ұйымының бейресми саммитінде бірқатар құжат қабылданды
БУДАПЕШТ. KAZINFORM — Мемлекеттер басшылары саммит қорытындысы бойынша құжаттар қабылдады. Бұл туралы Ақорда мәлім етті.
Мемлекеттер басшылары саммит қорытындысы бойынша мынадай құжаттар қабылдады:
1. Түркі мемлекеттері ұйымының Будапешт декларациясы;
2. Мемлекеттер басшылары кеңесінің Ауғанстан жөніндегі мәлімдемесі;
3. Өзбекстан Республикасын Түркі мәдениеті және мұрасы қорына қосу туралы шешім;
4. Түркі мемлекеттері ұйымы Бас хатшысының өкілеттілік мерзімін ұзарту туралы шешім.
Еске сала кетейік, Президент Қасым-Жомарт Тоқаев Түркі мемлекеттері ұйымының бейресми саммитіне қатысып, өте жоғары деңгейде ұйымдастырғаны үшін Мажарстанның Премьер-министрі Виктор Орбанға ризашылығын білдірген еді.
Осы жиында Президент мұнай, газ, уран және тағы да басқа тауарларды жеткізу тізбегін әртараптандыру ісінде Ұйымның әлеуетін пайдалану қажет екеніне назар аударды.
