Түркістанда «Tartyl fest» турникке тартылу фестивалі өтеді
Бұқаралық спортты дамыту және жастарды салауатты өмірге баулу мақсатында ұйымдастырылып отырған фестиваль Амфитеатр орталығында өтеді. Қазіргі кезге дейін 400-ге жуық тұрғын қатысуға өтінім берген.
Сондай-ақ, фестиваль аясында түркістандықтар эстрада жұлдызы Мирас Жүгінісовтың концертін тамашалайды.
Айта кетейік, бұған дейін «Tartyl Fest» турникте тартылу бойынша республикалық спорт фестивалі Қонаев қаласында басталған болатын. Сондай-ақ, Талдықорған, Алматы, Тараз, Шымкент қалаларында жалғасын тапты. Кеше, Шымкенттік тұрғын Азамат Сапар турникте 41 рет тартылып, рекордттық көрсеткішті жаңартты. 10 шілде - 6 қыркүйек аралығында өтетін шара еліміздің 20 қаласында ұйымдастырылып, әр қаладан 27 жеңімпаз анықталуда. Олар Нұр-сұлтан қаласында өтетін гранд-финалға қатысады деп күтілуде. Гранд-финалдың жүлде қоры-54 млн теңге. Ал, Гранд-финал чемпиондары Street Workout бойынша әлем чемпионатына қатыса алады.