Түркия мен Әзербайжан әскерилері бірлесіп оқу-жаттығу өткізіп жатыр
АСТАНА. KAZINFORM – Түркия мен Әзербайжан арасындағы әскери ынтымақтастық аясында TurAz Qartalı-2026 бірлескен әуе-тактикалық оқу-жаттығулары басталды, деп хабарлайды АЗЕРТАДЖ.
\\Бұл туралы Әзербайжан Қорғаныс министрлігі мәлімдеді.
Хабарламаға сәйкес, алдымен брифинг залында әзербайжан халқының жалпыұлттық көшбасшысы Гейдар Алиев пен Отан үшін қаза тапқан шейіттердің рухына тағзым етілді. Одан кейін Әзербайжан Республикасы мен Түркия Республикасының мемлекеттік әнұрандары орындалды.
Қатысушыларға оқу-жаттығуларға арналған арнайы бейнеролик көрсетілді.
Сондай-ақ әкімшілік ақпараттандыру және алдағы міндеттер бойынша брифинг өтті.
Оқу-жаттығулар бірлескен әуе операцияларын жоспарлау және орындау тәжірибесімен алмасу, жеке құрамның кәсіби деңгейін арттыру және өзара үйлестіруді күшейту мақсатында ұйымдастырылып отыр.
Айта кетейік, Сенат Қазақстан мен Түркияның әуе кеңістігін әуе кемелерін өзара транзиттеуге мүмкіндік беретін заңды мақұлдады.
