Түркияда қазақ композиторы Мұқан Төлебаев жылы басталды
Композитордың 100 жылдығын мерекелеуге байланысты 2013 жылды Мұқан Төлебаев жылы етіп атап өту жөнінде шешім 2012 жылдың қыркүйек айында Уфа қаласында ТҮРКСОЙ-ға мүше-елдер мәдениет министрлерінің тұрақты кеңесімен қабылданған болатын.
Шараға Қазақстан Республикасы Парламенті Сенатының әлеуметтік-мәдени даму комитетінің төрағасы А. Бижанов бастаған еліміздің ресми делегациясы, ТР Мәдениет және туризм министрінің бірінші орынбасары Өзгур Озаслан, ТР Әділет және даму басқарушы партиясының бас хатшысы, Түркия парламенттік «қазақ-түрік тобының» төрағасы Халюк Ипек, ТҮРКСОЙ бас хатшысы Д.Қасейінов, Қазақстанның Түркиядағы елшісі Ж. Түймебаев, ТР министрліктердің, іскерлік және академиялық орта өкілдері, мәдениет қайраткерлері, түркиялық БАҚ мен ТҮРКСОЙ мүше-елдердің журналистері қатысты.