Түркияда қазақстандықтар референдумға қатысып жатыр

АСТАНА. KAZINFORM — Түркияның Анкара, Ыстанбұл, Анталия және Измир қалаларындағы төрт сайлау учаскесінде Қазақстанның жаңа Конституциясына дауыс беру жүріп жатыр, деп хабарлайды Kazinform агенттігінің Анкарадағы меншікті тілшісі. 

Дипломатиялық өкілдіктерде таңертеңнен бері жұмыс істеп жатқан № 450, 419, 460 және 512 сайлау учаскелері жергілікті уақыт бойынша кешкі сағат 20.00-ге дейін жұмыс істейді.

Сайлау учаскелерінде сайлаушылардың белсенділігі жоғары. Түркиядағы қазақстандықтардың басым бөлігі түрік университеттерінде білім алып жатқан студенттер, дипломатиялық өкілдіктер мен халықаралық ұйымдардың өкілдері, туристер. Сондай-ақ референдумға қатысқандар арасында азаматтық ұстанымын алғаш білдіріп отырғандар бар.

Айта кетейік, Қазақстан мен Түркия арасында уақыт айырмашылығы екі сағат болғандықтан, соңғы қорытынды Астана уақытымен 22:00–де белгілі болады.

Айта кетелік әлемнің 40-тан астам елінде референдум учаскелері жұмыс істеп жатыр.