Түркияда жер сілкінісі салдарынан 3 адам қаза тауып, 213-і зардап шекті

АНКАРА. АНАДОЛЫ. ҚазАқпарат – Түркияның Ішкі істер министрі Сүлейман Солудың хабарлауынша, Хатайда жер сілкінісінен қаза болғандар саны қазіргі таңда 3 адамды құрап отыр. 213 адам зардап шекті, деп хабарлайды ҚазАқпарат Түркияның Anadolu агенттігіне сілтеме жасап

Түркия вице-президенті Фуат Октай Дефне ауданында болған 6,4 балдық жер сілкінісінен соң 20 тербеліс тіркелгенін айтты.

AFAD агенттігінің хабарлауынша, Хатай провинциясында бүгін болған зілзаладан соң хабарланған теңіз деңгейінің көтерілуі туралы ескертудің күші жойылды.

Осыған дейін дүйсенбі күні Хатай провинциясының Дефне ауданында 6,4 магнитудалық жер сілкінісі тіркелгені хабарланды.

Кешірек 5,8 магнитудалық тағы бір жер сілкінісі болды. Түркияның оңтүстік-шығысында үйлер қирады. Жерасты дүмпуі Сирия, Ливан, Кипр, Израиль, Иордания, Ирак пен Палестинада сезілді.