Түркияда жер сілкінісінен 200-ден астам адам зардап шекті

АСТАНА. KAZINFORM — Түркияның солтүстік-батысында 6,2 балдық жер сілкінісі болып, кем дегенде 236 адам зардап шекті, деп хабарлайды Euronews.

Көбі дүрбелең мен ғимараттардан шығу әрекетінен жарақат алды. Қаза болғандар мен ауыр зардап болған жоқ.

Жер сілкінісінің ошағы Мәрмәр теңізінде, Ыстанбұлдан шамамен 40 шақырым жерде орналасқан. Жер сілкінісі 13 секундқа созылды және онымен бірге 100-ден астам жерасты дүмпумен болды, олардың ең күштісі 5,9 балды құрады. Жерасты дүмпулері бірнеше провинцияда, соның ішінде Измирде де сезілді. 

Ыстанбұл тұрғындары жерасты дүмпулерінің қайталануынан қорқып, көшеге шықты. Үйде отырғысы келмейтіндер үшін билік спорт залдары мен мешіттер ашты. Ондаған ғимарат зақымданды, бірақ тек біреуі ғана құлады — ол ескі және бұрыннан қараусыз қалған еді.

Шенеуніктер Түркияның сейсмикалық белсенді аймақ екенін және 2030 жылға қарай Ыстанбұл аймағында күшті жер сілкінісі болу ықтималдығы 64%-ға бағаланатынын еске салып отыр. 

Бұған дейін Ыстанбұлдағы жер сілкінісінен 151 адам зардап шеккенін хабарлаған болатынбыз.