Түркиядағы турнирде Мөлдір Жаңбырбай чемпион атанды

АСТАНА. KAZINFORM - Түркияның Анталья қаласында WKF каратэден Karate1 Premier League - Antalya турнирінде 50 келі салмақта Мөлдір Жаңбырбай алтын алды.

Халықаралық турнирде оның финалдағы қарсыласы - венесуэлалық Салазар Йоргелистің жарақат алып, жарысқа шықпай қалды. Осыған байланысты Мөлдір мерзімінен бұрын алтын жүлдені иеленді.

Еске сала кетейік, бұған дейін отандасымыз италиялық Агус Азианы 6:2, Уикен Силия (Алжир) 6:4, португалиялық Родригес Катаринаны 3:1 есебімен жеңді.

Айта кетсек, бұдан бұрын аталған турнирде Әсел Қанай қола жүлдегер атанды. 

Қазақстандық спортшы 61 келіге дейінгі салмақ дәрежесінде бақ сынады. Ол қола жүлде үшін таласта франциялық Леа Авазериді 4:2 есебімен есебімен тізе бүктірді.

Халықаралық турнирде енді тағы екі қазақстандық спортшы қола медаль үшін таласады. Ел құрамасынан (75 келіде сайысқа түсіп жатқан Әбілмансұр Батырғали және Нұрқанат Әжіқанов қола медальді сарапқа салады.