Түркияның барлық өңірінде бомбапана құрылысы басталды

АСТАНА. KAZINFORM — Түркия барлық 81 провинциясында бомбапана салуға кірісті, деп хабарлайды Middle East Eye Анкараның жоспарларымен таныс дереккөзге сілтеме жасап. 

Басылым дереккөзінің хабарлауынша, президент Реджеп Тайып Эрдоған маусым айында өткен үкімет отырысында жобаны мақұлдаған. Ол кезде Иран мен Израиль 12 күндік соғыс жағдайда-тұғын.

Түркія тұрғын үй және құрылыс басқармасына бункерлерді салу тапсырылды. Түркия Ұлттық барлау академиясы дайындаған «Израильдің Иранға қарсы 12 күндік соғысы» туралы баяндамада үкіметке ерте хабарлау жүйелерін енгізуді және жақсы жабдықталған бомбапаналарды салуды ұсынғаны хабарланды.

Сондай-ақ баяндамада ірі қалалардағы метро станцияларын пайдалану және аймақтық қақтығыс жағдайында бейбіт тұрғындардың шығынын барынша азайту шараларын қолдану ұсынылады.

Басылымның хабарлауынша, түрік шенеуніктерін ірі қалаларда салынған израильдік әуе шабуылына қарсы бомбапаналардың кең желісі таңдандырды. Бұл бомпаналар соғыс кезінде бейбіт тұрғындарға паналауға мүмкіндік берді.

Сейсенбі күні Түркияның NTV арнасы бұл бастаманың мақсаты «болуы мүмкін соғыстар немесе апаттар, соның ішінде ядролық қауіп-қатер кезінде бейбіт тұрғындарды қорғауға болатын қауіпсіз аймақтар құру» екенін хабарлады.

Қазір Түркияда бомбапана инфрақұрылымының жеткіліксіз екені және бар нысандардың негізгі талаптарға сай келмейтіні атап өтілді. Атап айтқанда, 1987 жылғы «Түркияда бомбапаналарды ұйымдастыру» туралы ереже белгілі бір көлемдегі ғимараттарда бомбапаналар болуын талап етеді. Дегенмен іс жүзінде бұл талап жиі еленбейді: бомбапана ретінде белгіленген аумақтар көбінесе автотұрақ немесе қойма ретінде пайдаланылды.

Құрылыс мекемелері Жапония мен Швейцария сияқты бомбапаналарды салудың халықаралық тәжірибесін зерттеп жатқандарын айтты. NTV кейбір қалаларда, соның ішінде Анкарада құрылыс қазірдің өзінде басталғанын айтты.

Еске сала кетейік, Түркия соққы жасайтын дрон экспортында әлемде көш бастап тұр.