Түркияның Кония қаласында алғаш рет Қазақстандағы саяси қуғын-сүргін құрбандарын еске алу шарасы өтті

АСТАНА. ҚазАқпарат - Түркия Республикасының Кония қаласында Қазақстандағы 31 мамыр- ашаршылық пен қуғын-сүргін құрбандарын еске алу күніне арналған іс-шара болып өтті.
None
None

Еске алу кеші Кония Қазақ жастары бірлестігінің ұйымдастыруымен және Кония Түрік ошағы жастар ұйымының қолдауымен жүзеге асты. Іс-шара қуғын-сүргін құрбандарының рухына Құран бағыштаумен басталып, XX ғасырдың басында қазақ халқының басынан өткен ұлы нәубет туралы баяндамамен өз жалғасын тапты. Ашаршылықтың себептері, салдары және қорытындысы жайлы жиналған жұртқа мәлімет берілді. Қуғын-сүргінге ұшыраған, ату жазасына кесілген Алаш арыстарының қысқаша өмірбаяны көрсетіліп, Алаш ұраны оқылды. Ашаршылық пен қуғын-сүргін құрбандарын еске алу күніне орай Қазақ студенттерінің ұйымдастыруымен болған бұл шара Кония қаласында бірінші рет ұйымдастырылды. Іс-шараның мақсаты - алыста жүрген қандастарымызға, түрік халқына Қазақ халқының тарихын, қуғын-сүргін құрбандарын еске алу күнін насихаттау болды. Бағдарлама соңында ағайын түрік елі орны толмас қазаға көңіл айтты және әрқашан бауырлас қазақ халқының жанынан табылатындарын айтып, өз тілектерін білдірді.

Соңғы жаңалықтар