Түрікменстан президенті Қадір түні құрметіне 321 сотталушыға рақымшылық жасады
АСТАНА. KAZINFORM — Жұма, 21 наурызда Түрікменстан президенті Сердар Бердімұхамедов министрлер кабинетінің цифрлық форматтағы кезекті отырысын өткізіп, онда мемлекет өмірінің өзекті мәселелері қаралды, деп хабарлайды Turkmenportal.
Отырыс барысында Мемлекеттік Қауіпсіздік Кеңесінің хатшысы, Түрікменстан президенті жанындағы Азаматтық және рақымшылық жасау мәселелері бойынша ұсыныстарды дайындау жөніндегі комиссияның төрағасы Б.Гундогдыев қасиетті Қадір түні (Гадыр Гиджеси) мерекесіне орай сотталғандарға рақымшылық жасау жөніндегі комиссия жұмысының қорытындылары туралы баяндама жасады.
Баяндаманы тыңдаған президент Сердар Бердімұхамедов мейірімділік дәстүрін сақтай отырып, бас бостандығынан айыру орындарында жазасын өтеп жатқан елдің 321 азаматына рақымшылық жасау туралы жарлыққа қол қойды.
Мемлекет басшысы Комиссия төрағасына құқық қорғау органдарының басшыларымен бірлесіп, рақымшылық жасалған адамдарды уақытылы босатуды және олардың отбасыларына қайтарылуын ұйымдастыруды тапсырды.
Еске сала кетейік, Ашхабадта наурыз айының ортасында рекордтық температура тіркелді.
