Түрікменстанға ТүркПА құрамына кіру ұсынылды

АСТАНА. KAZINFORM – Түркия Түрікменстанды Түркі мемлекеттерінің Парламенттік Ассамблеясына мүшелікке шақырды.

ТүркПА қатарына қосылу ұсынысы Түрікменстан парламенттік делегациясының Анкараға сапары барысында айтылды, оны Меджлис төрайымы Дуньягозель Гулманова басқарды.

Тараптар парламентаралық ынтымақтастық мемлекетаралық ынтымақтастықты одан әрі нығайтуға септігін тигізетініне, ал екіжақты негізде құрылған парламенттік достық топтары заң шығару қызметі саласында тәжірибе алмасуға және парламенттік дипломатияны дамытуға ықпал ететініне сенім білдірді. 

ТүркПА – құрамына Қазақстан, Түркия, Әзербайжан және Қырғызстан кіретін халықаралық ұйым.

Бұған дейін Әзербайжан астанасында Түркі мемлекеттері Парламенттік Ассамблеясының 13-ші жалпы отырысы мен Ассамблея кеңесінің отырысы өткені хабарланған болатын.

Іс-шараларға Парламент Мәжілісінің төрағасы Ерлан Қошанов бастаған делегация қатысты.

Еске салсақ Қазақстан мен Түрікменстан арасында тауар айналымы 1 млрд долларға дейін артатыны туралы жазған едік.