Түркістан қаласында 4 жасар бала табылмай жатыр
Түркістан қаласында 4 жасар бала табылмай жатыр, деп хабарлайды Kazinform.
Кеше кешкісін ойнауға шыққан Түркістан қаласының 4 жасар тұрғыны үйіне қайта оралмаған.
Жоғалған бүлдіршінді табуға полицияның жеке құрамы жұмылдырылды. Қазіргі уақытта тәртіп сақшыларымен жүйелі түрде жан-жақты іздестіру жұмыстары жүргізіп жатыр.
Жеке басы мен түр-тұлғасы бойынша мәліметтер фото суретімен бірге барлық аумаққа жолданған. Іздеу жұмыстарына еріктілер мен тұрғындар да тартылды.
«Бақыт Айбар Алдиярұлы 2019 жылы туған. Бойы 60-65 см, шашы қара-қоңыр түсті. Үстінде сұр түсті торлы жейде, қоңыр түсті шалбар, аяғында резеңке аяқ киім (галош) болған. Көрген-білген адамдар болса, шұғыл полицияның кезекші бөліміне 8-725-33-5-97-65, 8-725-33-97-40-94 немесе +77014596666, +77026376600, +77759962793, сондай-ақ 102 нөміріне хабарласуды сұраймыз», - делінген Түркістан облысы полиция департаментінің баспасөз қызметі таратқан ақпаратта.
