Тұтынушылар бөлшек сауда саласында көп шағымданады

АСТАНА. KAZINFORM — ҚР Сауда және интеграция министрлігі тұтынушылардың құқықтарының бұзылуы шағымдарына қатысты түсінік берді.

- 2024 жылы Тұтынушылардың құқықтарын қорғау комитетіне және аумақтық департаменттерге 62 561 өтініш келіп түсті. Бұл көрсеткіш 2023 жылмен салыстырғанда 23 пайызға артық, яғни сол кезде 50 866 өтініш болды, - делінген министрліктің Kazinform агенттігіне берген жауабында.

Ведомство мәліметіне қарағанда, шағымдардың басым бөлігі бөлшек сауда (жалпы санынан 37,5%), электрондық сауда (23,2%) және тұрмыстық қызмет көрсету (8,8%) салаларында тіркелген.

Бұдан бұрын хабарланғандай, СҚО-да тұтынушы өтінішін елемеген компания 6,2 млн теңге айыппұл төледі.