Тұтқын болған отандастарының Қазақстандағы тағдырын Жапония депутаттары Назарбаевтан естіді
«Жер аударылып келген кеңестік Қазақстанның қатал жағдайымен бетпе-бет келген жапондық әскери тұтқындардың шыдамдылығы туралы естеліктер әлі жадымызда. Мен сіздерге есте қалған бір оқиғаны айтып бергім келеді. Хоккайдоның 15 жастағы тұрғыны Ахико Тецуро әскери тұтқындармен бірге бұрынғы КСРО-ға тап болып, онда халық жауы ретінде 10 жылға сотталған. Дегенмен, сол жасөспірімнің ешқандай кінәсі жоқ болатын», - деді Елбасы.
Мемлекет басшысының атап өтуінше, ол Қазақстан жерінде 50 мың жапондық әскери тұтқындармен бірге 10 жыл жазасын өтеген, 24 жасында түрмеден шыққан Ахико қазақ жерінде шаңырақ көтеріп, 2 баланың әкесі атанып, Қазақстанның азаматы болған.
«Сталиндік лагерьлердің сұмдықтарына қарамастан ол Қазақстанды өзінің отаны санады. 50 жыл өтті. Ол тарихи отанына қайта орала алды. Өзінің туған-туыстарымен табысты. Олардың уәждеріне қарамастан өзінің отаны санайтын Қазақстанға қайта оралды. Қазір ол 86 жаста. Ахико қазір еліміздің Қарағанды облысының құрметті азаматы. Әйелі Еленамен бірге 4 баланы тәрбиелеп отыр. Бұл біздің елдеріміз арасында жанды байланыс. Қазақтардың қайырымдылығы оның өмірін сақтап қалды және ол Қазақстанды жақсы көреді», - деді Елбасы.