Туысқан Қазақстан халқымен достық екі елдің қауіпсіздігін қамтамасыз етудің маңызды факторы - А.Лукашенко

Беларус Республикасы Әскери академиясының түлектерінің ішінде Қазақстан Қарулы Күштерінің алғашқы 15 офицері бар. «Бұл - біздің елдеріміздің әскери саладағы өзара іс-қимылымыздың және екіжақты ынтымақтастықтың тиімділігінің нәтижесін көрсетеді. Беларус өз әскери күштері үшін басшы кадрлар даярлайтын орын ретінде бекер таңдалып отырған жоқ. Біздің жерімізде бейбітшілік пен тұрақтылық сенімді қамтамасыз етіліп отырғанын көрмеу мүмкін емес», - деп атап өтті Беларус көшбасшысы.
Қазақстан Қарулы күштерінің офицерлеріне - Беларус Әскери академиясының түлектеріне қаратып айтқан сөзінде Александр Лукашенко былай деді: «Сіздер Отаныңызға аттана отырып, беларус халқының жүрек жылуын бірге алып бара жатырсыздар. Беларуста сіздерге қашан да құшағымыз ашық екенін біле жүріңіздер, ал туысқан Қазақстан халқымен достық әрқашан да біздің елдеріміздің қауіпсіздігін қамтамасыз етудің маңызды факторы болмақ».