Тыныс жолының өткір вирустық инфекциясының өршуіне байланысты Қарағанды медициналық мекемелерінде карантин жарияланды

ҚАРАҒАНДЫ. Ақпанның 12-сі. ҚазАқпарат /Валентина Елизарова/ - Қарағанды облысында кешеден бері медициналық мекемелерде карантин жарияланды,

деп хабарлайды ҚазАқпарат тілшісі. Ауруханаларда сондай-ақ, бетперде кию режимі енгізіліп отыр. Тыныс жолының өткір вирустық инфекциясының өршуі осындай шаралар қабылдауға мәжбүр етті. Дәрігерлердің мәліметтері бойынша, жылдың басымен салыстырғанда, бұл вируспен ауыру көрсеткіші 1,5 есеге өсіп, облыста вирустық инфекцияның 5,5 мың оқиғасы тіркеліп отыр, ал тұмаудың 6 оқиғасы ресми қуатталды.