ТЖМ-ге мемлекеттік емес өртке қарсы қызметтер аттестатының күшін жою құқығы берілмек
«Төтенше жағдайлар министрлігі мемлекеттік емес өртке қарсы қызметтердің (МЕӨҚҚ) қызметіне мемлекеттік бақылауды күшейту мақсатында заңнамалық норма әзірледі. Норма өрт қауіпсіздігі саласындағы мемлекеттік бақылау мен қадағалаудың лауазымды тұлғалары берген ұйғарымды орындамаған немесе немесе тиісті деңгейде орындамаған мемлекеттік емес өртке қарсы қызметтің өрттердің алдын алу және өшіру жұмыстарын жүргізу құқығы аттестатының әрекетін тоқтатуды қарастырады», - делінген Сенат депутаттарының сауалына берілген Премьер-Министр Әлихан Смайыловтың жауабында.
Оның атап өтуінше, аталған норма «Азаматтық қорғаныс мәселелері бойынша кейбір заңнамалық актілерге өзгертулер мен толықтырулар енгізу туралы» заң жобасында көзделген. Заң жобасы қазіргі уақытта мүдделі мемлекеттік органдардың келісу процедурасынан өтіп жатыр.