21:15, 09 Наурыз 2025 | GMT +5
ТЖМ құтқарушылары қар құрсауында қалған 4 адамды құтқарды
АСТАНА. KAZINFORM - Шығыс Қазақстан облысында қар құрсауында қалған 4 адамға көмек көрсетілді.

Ауа райының нашарлауына байланысты Шығыс Қазақстан облысы Қарой ауылының маңындағы «Марқакөл-Қарой» тас жолында жеңіл автокөлігі жолдан шығып кеткен.
ТЖМ құтқарушылары оқиға орнына келіп, жақын маңдағы елді мекенге 4 адамды, оның ішінде 2 баланы жеткізілді. Медициналық көмекке ешкім мұқтаж болған жоқ.
ТЖМ жүргізушілерге сапарға шығар алдында ауа райы болжамын бақылап, төтенше жағдайлар үшін қажетті заттарды өзімен бірге алып жүруге кеңес береді.
Еске сала кетейік, бұған дейін елімізде ауа райының қолайсыздығына байланысты қандай жолдар жабылғанын хабарлаған едік.