Учаскелік инспекторлардың рөлі күшейтіледі - Ерлан Тұрғымбаев
НҰР-СҰЛТАН. ҚазАқпарат – Учаскелік инспекторлардың рөлі күшейтіледі. Бұл туралы Ішкі істер министрі Ерлан Тұрғымбаев мәлім етті, деп хабарлайды ҚазАқпарат тілшісі.
«Қарапайым азаматтарға қамқор болып, олардың мәселесін шешу үшін учаскелік инспекторлардың рөлі күшейтіледі. Президент атап көрсеткендей, учаскелік полиция халықтың арасында жүруі тиіс. Ол үшін штат санын нығайту, материалдық-техникалық жағынан күшейту, учаскелік пункттермен қамтамасыз ету қажет. Сосын олардың мәртебесін заңмен бекіткен дұрыс», - деді министр Үкімет отырысында.
Оның сөзіне қарағанда, елімізде 2 мың 800 учаскелік полиция пункттің тең жартысы жөндеуді қажет етеді. Қосымша 279 учаскелік пункт салып, қызметтік автокөлік сатып алу қажет.
