Уильям мен Гарридің туысқан қарындасы өлі күйінде табылды — БАҚ

АСТАНА. KAZINFORM – Ұлыбритания ханзадасы Уильям мен Гарридің 20 жастағы туыс қарындасы Рози Рош өлі күйінде табылды. Оның жанынан атыс қаруы анықталған, деп хабарлайды Kazinform агенттігі The Sun басылымына сілтеме жасап.

Рози Рош — ханшайым Диананың ағасының немересі — 14 шілде күні Уилтшир отбасының үйінде көз жұмды. Оны анасы мен әпкесі тауып алған. Жанында атыс қаруы жатқан.

Тәртіп сақшысы Грант Дэвис полицияның «өлімге қатысты күдік жоқ екенін әрі оған үшінші тараптың қатысы жоқ екенін» айтты.

Рози Дарем университетінде ағылшын әдебиеті мамандығы бойынша білім алып жүрген.

2024 жылдың ақпан айында Уильям мен Гарридің тағы бір туысы — леди Габриэлла Кингстонның жұбайы Томас Кингстон да басынан оқ жарақатын алып қаза тапқан еді. Оның жанынан да атыс қаруы табылған болатын.

Бұған дейін ханзада Гарридің марқұм анасы — ханшайым Диананың әйгілі акциясын қайталағаны хабарланған.